30/03/2009

jantzi zaitez

jantzi zaitez soilik niretzat janzten dituzun takoi altuko zapatak
behin esan zenidan ipurdia altxatu eta edertu egiten dutela
eta ordudanik zure atzetik noa janzten dituzun bakoitzean
afaltzeko hitzordua egiten dugunean,
eta zure gona azpiko mugimenduei so nauzu
imajinatzen dudanean gero, afaldu ondoren,
ohean bukatu ahal dugula
biluzik,
baina takoi altuko zapatak erantzi gabe
jantzi zaitez soilik niretzat janzten dituzun takoi altuko zapatak
eta lilura nazazu zure aldakaren mugimenduekin
zure jolasekin
jantzi zaitez
edota
biluztu nazazu!

29/03/2009

gonbita

Gustukoa dut agertzen zarenean, sorpresaz, eta nire gainera zatozenean
biluzten nauzu
eta jaten nauzu
astiro-astiro
gupidarik gabe
eta nik
nire zukurik preziatuena
eskaintzen dizut
maite zaitudalako
desiratzen zaitudalako
gustukua zaitudalako...
zatoz
emango dizut
behin eta berriro
eskatzen didazun guztia:
nire hankarte handitua
nire ipurmasail borobilak
nire ezpain gosetuak
nire esku leunak
eta nire zukurik
preziatuena
maite zaitudalako
desiratzen zaitudalako
gustukua zaitudalako...
zatoz

28/03/2009

ikuskizuna

errelato erotiko bat irakurtzen ari zara
eta nik gustukoa dudan lentzeriaz jantzita zaude
eta protagonistak gu garela imajinatzean
biluzten hasi zara
soilik tangarekin geratzen zara
eta eskua tanga azpitik sartzen duzu
eta zure alua laztantzen duzu goxo goxo
gainetik lehen
gora eta behera
atzamar baten punta sartzen duzu
eta han geratzen zara
sentituz
eta gehiago hondoratzen duzu gero
eta atzamar bustiarekin
klitorira zoaz
eta kontu handiz laztantzen duzu
eta plazerez ohikatzen duzu...
eta ez zara konturatu
ni iritsia nintzela etxera
eta atetik, isil-isilik
zuri begira egon naizela
eta ikuskizun ezin ederragoa
eskaini didazu...

25/03/2009

lotuz


lotzen zaitut nire ohera
lau hankatan
eta ezin zara mugitu
ezin duzu ikusi
soilik sentitu
eta ni zure atzean jartzen naiz
eta laztantzen zaitut
nire eskuek zeharkatzen dute
zure bizkarra
zure ipurmasailak
zure hankak
zure ipurtzuloa
eta aldakatik
heltzen zaitut
eta zuregana
barneratzen naiz
gaur nirea baitzara
nire jolasetara
lotuta baitzaude

23/03/2009

udaberria


udaberria da zure titiburuetan
eta loratzen zara nire mihiaren puntan
jaten zaitudanean
udaberria da eta usaintzen zaitut
hankartean
eta erreka batean bainua hartuko nukeen moduan
bainua hartzen dut
zure barruan irrits egitean
udaberria da
zugan

21/03/2009

jolasak

Beti bezala jolastu behar genuela zirudien. Musuka hasi ginen, esku bat kremailera gainean, beste bat galtzaren azpian… Baina hasierako jolasen ondoren ohartu nintzen arropa eranzten ari zitzaidala. Bat-batean biluzik nengoen berak jantzirik jarraitzen zuen bitartean. Orduan buelta emateko agindu zidan.
- Nola?- galdetu nion.
- Buelta emateko agindu dizut!
Buelta eman nuen eta eskuak atzera eramateko izan zen bere bigarren agindua. Eskuak atzera eraman nuen eta orduan, zapi batekin lotu zizkidan. Orduan ohe ertzean esertzeko agindu zidan. Ohe ertzean eseri nintzen eskuak sorbaldan loturik nituelako. Eta bera hasi zen arropa eranzten. Astiro-astiro. Galtza jaitsi zuen apenas ezer estaltzen zitzaion tanga agerian utziz. Bere ipurmasail borobilak ederki begibistan uzten zituena. Bularrak ere airean utzi zituen. Tanga eranzteko nire aurrean belaunikatu zen. Niri ipurdia erakutsiz. Eta poliki poliki jaisten hasi zen. Belaunetara iristen zenean berriro igotzen zuen eta ipurmasailen artean sartzen zuen tangaren hari fina. Azkenean guztiz erantzi zuen. Ni, ordurako, ezin gogorragoa nengoen. Bere zain. Hurrengo pausuen zain. Ezin nuen imajinatu bere jolasaren hurrengo pausua. Ohe gainean lau hankatan jartzeko agindu zidan. Eta nik obeditu nion. Horrela nengoelarik atzetik eskua sartu zidan hanken artean eta zakila gogor hartu ninduen. Hozkirri bat sentitu nuen. Gero zaplastako txiki pare bat eman zizkidan ipurmasailetan. Argi zegoen berak agitzen zituela. Atzera joan zen eta zarata batzuk entzun nituen. Zer zen jakin gabe. Orduan zerbait hezea nabaritu nuen nire ipurtzuloan. Bere mihia zen eta han atzean jolasten hasia zen. Barrabiletan hasten zen eta handik ipurtzuloraino igotzen zen. Eta ipurtzuloan geratzen zen jolasten eta bustitzen. Bidea prestatzen egongo balitz bezala. Orduan mihia kendu eta lubrikantearen takto hotza nabaritu nuen. Hatz batekin ari zen jolasten nire ipurtzuloan. Gainetik hasieran. Kontu handiarekin. Eta tarte bat jolasten egon ondoren bere hatza nire ipurtzuloan nola ondoratzen zen sentitu nuen. Hasieran punta. Gero den dena. Beste eskuarekin, bitartean, barrabilak laztantzen zizkidan. Nik gehiago nahi nuela esan nion. Baina berak ezin nuela ezer eskatu argi utzi zidan. Bat-batean buelta emateko agindu zidan. Orduan ikusi nuen tramankulu hura. Bere gerriaren inguruan zakil gerriko horietako bat zeraman jantzirik. Morbo ikaragarria eman zidan.





- Plazer gehiago nahi baduzu hemendik hasi beharko zara!- oihukatu zidan.
Nire burua hartu eta bere zakil gerrikoan zegoen zakilaren aurrean jarri ninduen.
- Jan nazazu!- agindu zidan
Nik zakila hori nire ezpainen artean sartu nuen eta benetan berea izango balitz bezala jaten hasi nintzen. Niri egiten zidanean gustukoa nuen modu berean. Punta hasieran, poliki-poliki, bat-batean zakil osoa irensteko. Eta zakila irentsi bitartean gora begiratzen nion. Disfrutatzen ari zen. Eta alua busti bustia zeukan.
- Eman buelta berriro!- Esan zidan.
Eta nik ohe gainean buelta eman nuen beti ere lau hankatan nengoela eta eskuak sorbaldan loturik nituela.
- Eta jaitsi burua!
Burua ohe parean jarri nuen, nire ipurdia guztiz altxaturik utziz.
Hatzen jolasetara itzuli zen eta hatza nire barruan sentitzen hasi nintzen.
- Gustatzen zaizu?- Esaten zidan ahots maltzurrarekin
- Bai, segi, segi- erregutzen nion nik.
- Hummmm, ba orain ikusiko duzu zer den benetako plazerra!
Orduan dildoaren punta nabaritu nuen nire ipurtzuloaren sarreran.
- Larrua jo egingo dizut basatiki!- oihukatu zidan
Nire aldaketan nabaritu nituen bere eskuak eta bultzatzen hasten zela konprobatu ahal izan nuen. Dildoaren punta nire ipurtzuloaren muga zeharkatzen hasi zen. Eta mina puntu batekin plazer ikaragarria sentitzen hasia nintzen. Punta utzi zuen nire barruan, bere gerria mugitzen zuen bitartean, nire ipurdia gonbidatu berriari moldatzeko asmoz.
Eta moldatzen hasia nintzen. Gehiago nahi nuelako.
Zaplastako berri bat eman zidan ipurmasailetan eta horrekin batera dildoak beste zentimetro batzuk zulatzen ninduela ohartu nintzen.
- Oraindik ez duzu nahikorik?- esaten zidan.
- Ez!- Oihukatzen nion nik- sartu barruraino

Eta bat-batean sentitu nuen nire barruan zegoela. Guztiz. Plazer ikaragarria sentitzen nuen nire ipurdian

- Eman, eman!- eskatzen nion behin eta berriro.
Eta bera, zoraturik, bortizki zulatzen zidan ipurdia, gerri kolpeka:

- Tori, tori!- oihukatzen zidan

Uste dut ipurditik eta guzti korritu egin nintzela.
Orduan gelditu zen eta eskuak askatu zizkidan. Nire zakilak gogor gogorra jarraitzen zuen. Eta paperak aldatzeko unea zela pentsatu nuen. Bera ohartu baino lehen bere eskuak lotu nizkion sorbaldan.

- Eta orain zeeeeeeeeeer?- Esan nion irribarretsu.

Bera zutik zegoen eta bere aurrean belaunikatu nintzen. Berriro ere zakila jaten hasi nintzen. Baina oraingo honetan eskuak libre nituenez bere atzeko partera eraman nituen. Hatz bat ipurtzuloan sartu nion. Horrela jolastuz tarte bat egon ondoren zakil gerrikoa kendu nion. Eta bere harridurarako nire benetako zakilaren gainean jarri nuen. Begiak arranpalo begiratu ninduen.
Buelta emateko agindu nion. Eta leihoari begira geratu zen. Zutik betiere. Leihoa ireki nuen eta leiho ertzean eskuak jartzeko esan nion. Berak nire aginduak bete eta aurrera makurtu zen. 90 graduko angelu ederra osatuz. Orduan nik hartu nuen lubrikantea. Eta bere ipurtzuloan nire hatzekin jolasten hasi nintzen. Poliki-poliki hasieran. Hatz osoa ondoratu arte.
- Orain zuk ikusi nahi duzu zer den penetratua izatea?- Galdetu nion.
Eta galderarekin batera zaplastako bat eman nion ipurdian.
- Ikusiko duzu!- mehatxatu nion.
Eta nire bi zakilekin hurbildu nintzen bere atzeko parteetara. Silikonazkoaren punta bere ipurtzuloaren sarreran jarri nuen. Eta nire zakilaren punta bere alutxo bustira zuzendu nuen. Eta biak batera mugimendu motelekin sartzen hasi nintzen. Irudi ederra osatzen zuten zakil biek bere bi zuloetatik sartzean. Eta berak plazerez oihukatzen zuen.
- Larrua jo nazazu, kabroia!- eskatzen zidan.
Eta nik aurrera jarraitzen nuen leihotik, aurreko etxeetara begiratzen nuen bitartean, norbait guri begira egongo zela imajinatuz. Eta kontu handiarekin zakil biak hondoratu ziren bere zuloetan. Ni geldituta geratu nintzen, ez bainion minik egin nahi. Baina berak, tupustean, gerria aurrera eta atzera mugitzen hasi zen, eta zakilak bere gorputzetik sartzen eta ateratzen ziren etengabe, dantza sexual eder batean. Nik ez nuen asko aguantatu eta ikuskizun basati hura ikusten korri nintzen bere alu bustian. Bera ere ni baino lehenago korritua zela iruditu zitzaidan…

gogoan...

gogoratuko ditut zure bular borobil handiak nire eskuen artean nire gainean gora eta behera zeundenean
gogoratuko dut zure irribarre maltzurra nire hankartea jaten ari zinenean eta begiratzen zenidanean
gogoratuko dut zure aldaka sendoa nire eskuekin hartzen zintudanean eta zure mugimenduetan laguntzen zintudanean
gogoratuko dut altxatu eta gelako ertz batera eraman ninduzunean eta zutik basatiki larrua jo egin genuenean
gogoratuko dut zure bizkar goxoa larrua jo ondoren zure alboan altxatzen nintzenean eta berriro ere zure ipurmasailen artean nire hankartea kokatzen nuenean eta nola gogortzen hasten zen nabaritzen zenuenean
gogoratuko dut zure kulero marradunak lurrean botata eta fetitxista bat nintzela barrez esaten zenidanean
gogoratuko dut larrua jo ondoren zure musuak nire lepoan eta nola berotzen ninduzun eta nola egin nahi zenuen berriro ere eta nola altxatzen zitzaidan berriro zakila eta nola larrua jotzen genuen berriro ere eta "ninfomana bat naizela pentsatuko duzu" esaten zenidanean
gogoratuko zaitut askotan, sarritan, atzo, nire ondotik desagertzen ikusi bazintudan ere
eta berarekin joan bazinen ere
gogoratuko zaitut, maitale, beti...

19/03/2009

oparia

plazan eserita ikusi zintudan eta ulertu nuen udaberriak ekarria zintuela niretzat. Horrela imajinatu nahi nuen nik behintzat. Eta zure galtzak aldaka nola markatzen zintudan ikustean liluraturik nengoen. Zure tanga beltza agerian. Hainbeste alditan zuregana hurbildu nahian eta ausartu ez... Azkenean zuregana hurbildu nintzen aitzaki xume batekin. Ea lurrean zegoen boligrafoa zurea zen (ongi banekien nirea zela). Zuk ezetz, baina barre egin zenuen eta bigarren aitzaki xume batekin zure ondoan eseri nintzen. Zapata lotu behar nuela eta. Eta horrela hasi ginen hizketan. Orduan ikusi nuen, lurrean, zure koaderno eta gauzen artean, liburu bat, liburu erotiko bat. Nik ongi ezagutzen nuena. Eta horretaz hasi ginen hizketan. Eta erotismoaz ere. Eta gero eta politagoa zeunden. Orduan ondoko taberna batera joan ginen zerbait hartzera. Gustura geunden biok. Eta kafearen aparra zure ezpainen gainean inoiz ikusi dudan gauzarik lizunena iruditu zitzaidan. Eta orduan nabaritu nuen zure eskua nire galtzaren gainean. Gogor gogorra nengoela konprobatu zenuen eta barre egin. Ni lotsaturik nengoen eta ahal moduan ordaintzera altxatu nintzen. Bitartean zu komunera joan zinen. Mahaira itzuli ginenean eseri ginen biok berriro. Eta irribarre maltzur batekin begiratu eta esan zenidan: nire oroitgarri bat izan nahi duzu? Nik baietz esan nizun. Nola ez. Eta bat-batean zure tanga beltza txikia jarri zenidan eskuaren gainean. Ahoa bete hortz geratu nintzen. "Fijatu naiz nola begiratzen zenidan atzetik" esan zenidan. Eta egia zen. Baina egia zen baita ere orain tangarik gabe zeundela. Zure aldaka ederki ongi markatzen zuten galtza horien azpian biluzik zeunden. Eta oraindik gogorrago jarri nintzen. "baina, baina... horrela utziko dugu?" galdetu nizun. Zu altxatu zinen eta baietz egin zenuen buruarekin, tabernatik alde egin aurretik eta ni bero bero utzi aurretik...
Etxera iritsi bezain laster gelan sartu nintzen eta zure tanga atera nuen, zure usainarekin, zure irudiekin masturbatzeko asmoz... Soilik orduan ohartu nintzen etiketan telefono zenbaki bat idatzita zegoela...

18/03/2009

zirrara


benetan zirrara ederra da
etxetik biluzik ibiltzea
bakarrik nagoela pentsatuz
eta atea entzun gabe
bat-batean
nire hanken artean
(atzetik)
zure eskua sartzen dela ohartzea
benetan zirrara ederra da
bat-batean
zure eskua nire barrabilen azalean
sentitzea
eta handik igotzen dela
eta zakila laztantzen hasten dela
zu han, nire atzean, zaudelarik...
benetan zirrara ederra da
horrela, bat-batean,
masturbatzen nauzunean...

17/03/2009

udaberriaren zain

udaberriaren zain nauzu
badakidalako ze erraz berotzen zaren
garai honetan
udaberriaren zain nauzu
badakidalako nola bustitzen zaren
nire idatziekin...
horrela adierazten didate
zure email beroek
eta horrela nahi zaitut
nire hitzez bustirik
udaberriko lehen eguzki izpien azpian
zure kulero bustiak ikusi nahi ditudalako
dutxa azpian
larrua jotzen dugun bitartean

09/03/2009

marrazkiak

marrazten ditut nire fantasiak zure azalean
eta kuleroek estaltzen dituzten oasietan
edaten dudala imajinatzen dut
zure marrazkiek bidea erakusten didate
eta banoa,
banoa zure oasien bila
maite dudalako zure azala
eta zure azala estaltzen duten kuleroak
zu maite zaitudan bezala

07/03/2009

Nola egin???


Mutila izanda, neska baten etxera joatea lortuz gero, arazo bat sortu ahal zaizu.
Demagun ligatu duzula eta neskak bere etxera eraman zaituela (edo alderantziz). Liatzen hasten zarete baina momentu batean ohartzen zara pisa egiteko gogoa duzula. Nahiko deserosoa da pisagura izatea halako momenturen batean. Baina aurrera jarraitu aurretik hobe da komunera joatea dena lasaiago ikusten baita. Nola egin orduan? Demagun zure urteko ligea dela. Edo besterik gabe asko berotzen zaituen ligea dela. Demagun orduan (normala denez) guztiz handiturik duzula zakila... nola egin orduan pisa egiteko?
Aholku batzuk ematen dituen webgunea topatu dut honen guztiaren inguruan eta, egia esan, barregura sorrarazi dit... horregatik ekarri dizuet hona:
Larrua jo eta on egin!

06/03/2009

tristura...


Sarritan, triste nagoenean, elastikoa erantzi eta galtzaren kremailera jaisten dut. Bularra laztantzen hasten naiz eta handik, astiro, hankarteraino iritsi. Eta galtza erantzi gabe eskua eramaten dut zakilara. Eta jolasten hasten naiz eta nire atzamarren artean nola handitzen den sentitu. Eta ni triste egon arren nire hankartea nola pozten den sentitzean poza hartzen dut.
Eta masturbatzen naiz ohearen gainean, edo lurrean etzanda, edo komunean belaunikatuta edo sukaldeko aulki batean edo...
Kontua da gaur triste nagoela zu faltan botatzen zaitudalako eta galtza irekitzen hasi naiz...

piercing

gustukoa dut zure mihian daramazun piercinga
gustukoa dut; zure mihia erasoan ikusten dudanean
gustukoa dut nire azalaren gainean imajinatzen dudanean
gustukoa dut zure piercinga...
atzo ikusi zintudan eta beste behin
zutaz maitemindu nintzen
zure piercingdun mihiaz
zure ahoaz
zure irribarreaz...
eta zure piercinga nirekin konpartitzen zenuela
imajinatu nuen...
(beste behin)

02/03/2009

Erakutsi

Erakutsi zure koloreen bideak
Erakutsi nola jaitsi naiteke zure bularren aldapetatik
Erakutsi egin beharreko ibilbide "ez turistikoa" (edo bai)
Erakutsi nola pasatu nire eskuak, nire mihia zure kuleroen gainean (eta azpian)
Erakutsi eta ireki zure kremailera, zure hankak, zure ezpain biak
Erakutsi bide guztiak
ikasle ona izan nahi baitut