Bart lau trago hartzen egon ginen. Zure galderek hunkitu ninduten. Zure interesak zerbait esan nahi zuen. Eta aitortu behar dizut deskolokaturik nengoela. Ederra eta jatorra zarela iruditu zitzaidan ikusi zintudan lehen momentutik. Eta maindireen azpian edertasun eta jatortasun hori guztia larrugorritan nola izango zen pentsatzen nuen. Zure gorputz biluzia imajinatzen nuen.
Urte batzuen distantzia banatzen gaitu. Asko edo ez hainbeste, segun eta nola ikusi. Elkarrekin irri egin genuen eta berriro ere, irri horiek, nire gorputzaren gainean zaudela imajinatu nituen.
Nire lagunak etxera joan nahi zuela esan zidan. Zuk beste taberna bat bilatzeko proposatu zenidan. Zalantzak eta beldurrak direla eta lagunari laguntzea erabaki nuen. Goizean esnatu naiz eta zure irribarrea, zure kurbak, zure ezpainak gogoratzean handitu zait zakila. Ohean urduri mugitu naiz banatu edo elkartu ahal gaituzten gauzetaz pentsakor, zutaz pentsakor.
Zakila hartu eta atzo, bion artean egin ez genuena, egin dut nik bakarrik...
Argi guztiak itzali eta kandela bat piztu duzu. Kandelaren argipean biluztu gara eta ohean eseri zara. Argizaria zure azalaren gainera bota duzu. Mina eta plazera sentitzen duzula esan didazu. Niri gustatu zait zure gorputzari behatzea. Zure jolasa jarraitzea. Argizariak estaltzen dizkizu titibularrak eta ni zure gorputzarengana abiatu naiz argizaria hori guztia leuntasunez garbitzera...
Dendan ikusi genuen elkarrekin. Nik nola begiratu nuen ohartu zinen. Eta nik, lentzeria horren azpian hainbeste maite nuen zure gorputza irudikatzen nuen, desiratzen nuen, maitatzen nuen.
biluzten nauzu,
"Baineran murgildu naiz, ostirala ospatzeko. Ur bero-beroaz betetzen zen bitartean biluztu naiz eta nire bularrak, nire kurbak, nire aldakak... ikusi ditut ispiluan. 
