Landetxe batean galdu gara Lore eta biok. Aspaldi aipatu genuen eta orain egin dugu.
Asteburu luzea izango da eta jolasteko gogoekin iritsi gara.
Asteburu honetako arauak ere aspaldi jarri genituen eta, horien artean, erritmoak nik markatu behar ditudala dago.
Etxea bero dago. Komuna ikusi eta bainera handia duela ikusi dut. Primeran.
Ur beroaz betetzen hasi naiz.
Loreri komunera etortzeko esan diot.
Aulki bat jarri dut baineraren aurrean eta bertan esertzeko esan diot.
Aulkian eseri eta zetazko zapi batekin besoak lotu dizkiot aulkira.



Gero, musika goxoa jarri, jostailuen kutxa ondoan utzi eta biluzten hasi naiz. Guztiz.
Bainera beterik dago eta barrura sartu naiz.
Kutxatik plug txiki bat atera eta miazkatu ondoren, lau hankatan jarri naiz bainera barruan. Pluga lubrikantez bete eta nire ipurditxoan sartu dut. Hantxe utzi eta ur berotan murgildu naiz, buruz gora etzanda, eskuekin nire zakil gogortua laztandu bitartean.
Orduan Loreri esan diot momentuz ez dudala askatzeko asmorik. Momentuz ez, behintzat. Baina berak agindu ditzakeela nire mugimenduak, nik beteko ditudala.
Kutxa irekiari begirada bota dio eta horrela esan dit:

- Plug handiagoa hartu eta sar ezazu.

Halaxe egin dut. Lorek esandako pluga hartu, txikia nire ipurditik kendu eta bestea sartu dut, motel motel.

- Hor mantendu- esan dit- eta orain dildoa hartu.

Dildoa hartu dut. Eta:

- Ahoan sartu, eta egin zure zakila nire ahoan egongo balitz bezala...

Dildoa hartu dut eta ahoan sartu. Eta dastatzen hasi naiz, goxo, ez dakit zenbat denbora.

- Eta orain- esan dit- pluga kendu eta dildoa zure ipurditxoan sartu.

Pluga nire ipurditik atera eta aulkian jarri dut dildoa, Loreren hanken artean.

Baineratik atera eta, Loreri begira, bere hanken gainean esertzen hasi naiz, dildoa nire ipurdian sartu bitartean. Horrela, poliki poliki dildo osoa sartu da nire ipurdiaren hondoraino. Eta eserita geratu naiz Loreren gainean.

Loreren atorraren botoiak askatu ditut, atorra ireki eta, orduan, dildoa nire ipurdian sentitu bitartean, eskuarekin nire zakila astintzen hasi naiz, gogor.
Loreren sabelaren gainean hustu dut nire zukua eta belarrira hauxe xuxurlatu diot:

- Hau hasiera besterik ez da izan. Sorpresaz beteriko asteburua daukagu aurretik.

Eta txirrina jo dute orduan...

Nerabeak bezala mozkortu gara. Guztiz. Eta horrela eraman nauzu zure ohera, irribarreen artean.
Bat-batean, ni ohean buruz gora etzanda, galtza eta galtzontziloa erantzi dizkidazu, eta erreakzionatzeko astirik izan gabe irentsi duzu nire zakila. Gordin, goxo. Nire hankartearekin jolastu duzu, zure ezpainen artean sartuta, mingainarekin. Eta bitartean atzamar bat sartu didazu ipurdian.
Korritzear nagoela esan dizut. Atzamarra nire atzeko zuloan mantendu duzu orduan, baina burua altxatu eta beste eskuarekin jarraitu duzu ahoak hasitako lana. Nola korritzen naizen ikusi nahi baituzu. Eta horrela izan da. Nire sabelaren gainean isuri naiz.

Orduan, zure eskua nire sabela gainean jarri eta nire zukuarekin jolastu duzu.
Nire ondoan etzan zara. Eta belarrira xuxurlatu didazu:

- Gustukoa dut zure zakila nire ahoan handitzen denean. Gustukoa dut nire atzamarrarekin zure ipurdian sartzen naizenean. Behin eta berriro egin nahi dizut bata eta bestea: zakila nire ahoarekin irentsi, uzkia nire atzamarrarekin bete…

Eta antzeko gauzak. Eta lortu duzu ni gogor-gogor jarraitzea.
Orduan galtza eta tanga erantzi duzu zuk eta nire gainean jarri. Zakila zure aluan sartu eta gerriarekin dantzatzen hasi. Nik kamiseta kendu nahi izan dizut, baina ez didazu utzi. Eta gerria mugitzen jarraitu duzu, eskuak nire bularran bermatu bitartean, eta nireak zure ipurmasailak heldu bitartean. Eta horrela korritu zara zu.
Ez mugitzeko esan dizut orduan. Lau hankatan zaude ohe gainean. Behetik mugitu naiz eta zure atzean jarri. Ispilu bat daukagu aurrean. Beraz, burua altxatzeko esan dizut eta ispiluari begiratzeko. Atzetik sartu dut nire zakila zure alutxoan, ispiluan gure gorputzak, gure mugimenduak jarraitu bitartean. Eta zakila barruraino sartu ondoren eskuak jarri ditut zure ipurmasailen gainean.

- Gustukoak ditut zure ipurmasailak- esan dizut- batez ere nire gerriaren kontra talka egiten dutenean.

Eta zuk iletik hartzeko eskatu didazu orduan, gogor baina goxo, minik egin gabe.



Nik iletik hartu, eta erritmoa zuk markatzeko eskatu dizut. Ni mugitu gabe, hasi zara ipurdia mugitzen, aurrera eta atzera, nire gerriaren kontra zure ipurmasailekin talka eginez, eta nire zakila zure alutxoan sartu eta atera eginez. Eta horrela korritu gara bigarren aldiz, ispiluari begira. Guztiz mozkorturik, nerabeak bezala…

fantasiak, errealitatetik gertu...

Hona hemen Lorek bidalitako kontakizun polit-interesgarri-beroa:


Gure ohe jolasetan beste pertsona bat sartu nahi nuen eta hala proposatu nizun. Ideia gustatu zitzaizun, baina gure ohe lagun berria neska bat izan behar zela aipatu zenidan. Ez nuen aitzakiarik jarri, neskak ere gustukoak ditut eta jolas polita sortu genezakeen.
Hautaketa nire esku utzi zenuen eta horrek pilo gustatu zitzaidan.
Aukeran gertuko zirkulutik alde egin nahi nuen eta zuretzako ezezaguna zen neska bat aukeratu.
Lehen kolpean lagun bat etorri zitzaidan burura; jatorra, goxoa, ezagutzen ez duzun nire laguna, gure ingurutik 100 kilometrotara bizi ohi dena, ederra, polita... baina kanpoan zegoen (tarte luzeegirako gainera) eta beste pertsona baten bila abiatu nintzen.
Asteburuetako parrandatan aurkitu nahi nuen. Bolada batez gauetan jolas politak sortu nituen. Lagunekin ateratzen nintzen nire kontu, eta gustuko neskengana hurbiltzen nintzen. Gerturatu, hitz egiten hasi, dantzatu, par egin, fitxak sartu... gehienetan horretan geratzen zen kontua baina oso aberasgarria izan zen.
4 hilabetez egon nintzen horrela eta 2 neskekin besterik ez nuen nire proposamenaz hitz egiten lortu. Guztietan ezetza jaso nuen. Ateraldi bakoitzaren ondorengo egunak sexualki oso aktiboak suertatzen ziren.
Nire larunbateko hizketaldiak kontatzen nizkizun eta pertsona horiekin fantasiaren bat osatzen genuen etxeko jostailutxoekin. Orduan, beste pertsona batekin egiteko gogoak gehiago piztu zitzaizkizun zuri, eta hirukotea osatzea zaila suertatzen bazen zuk beste neska batekin bakarrik egin nahi zenuela esan zenidan.
Asteburutan gehiago ateratzen hasi zinen, baina beste inorekin oheratu gabe bueltatzen zinen beti, fantasia bete nahi zenuela baina beti nirekin akordatzen zinela eta aurrean zenuen neska puskarekin egoteko gogoa kentzen zitzaizula. Alde batetik poztu eta bestetik tristatu nintzen.
Baina atzo ideia bat bururatu zitzaidan.

- Lasai gaur gauean beste neska batekin egingo duzu larrua jo. Etxera ekarri dizut. Gaur arratsaldeko 9etan bueltatu etxera eta bertan izango duzu neska.

Etxea “despejatu” nuen, hainbeste gustatzen zaidan arropa arina jantzi eta kolore gorriz margotu nituen azkazalak, bai... 2 kilometrotara ikusten den kolore gorri berbenero hori.

Etxera sartu zinenean irri eder bat bota zenidan.

- Ezagutzen al zaitut...? Zure azkazalak izugarri gustatzen zaizkit... - esan zenidan irrifar eder batekin batera.
- Zure lagunak hona etortzeko esan dit, oparitxo bat jasoko nuela... – erantzun nizun.

Eta azkazalak kolore gorriz margotzea gustatzen zaion neska baten azalean jarri nintzen. Azkazal gorriak zure gorputzean zehar, zure zakila astintzen ikustea... azkazal markatuak, protagonistak. Beste pertsona bat nintzen, ez nituen nire eskuak ezagutzen zurean eta ederra izan zen, basatiagoa nintzen, lizunagoa, barne beroa beste toki batzuetan sentitu nuen eta zure gorputzeko beste toki batzuetara iritsi nintzen, akaso beste pertsona bat nintzelako bestela ireki zenidan zure barrua eta gorputza.Hirukotea osatu ez baina ederra izan da bai bidea baita ondorioa ere. Ea noiz errepikatzen dugun, eta ea oraindik ezagutu ez baina barruan dudan zein izaerari ateak irekitzen diodan elkarrekin gozatzen jarrai dezagun.

LORE

Eser zaitez

Eser zaitez
nire ahoan,
eskaini
zure altxor goxoa,

eser zaitez
lasaitasunez:
nire ahoa
zure plazerarekin
bete arte...

Holandara joan gara, zure lagun bat bisitatzera, asteburu-bidaitxoa-edo. Bere etxean lekurik ez du eta hotel batean hartu digu lekua. Hara eraman gaitu. Ostiral arratsaldea da oraindik eta han utzi gaitu, gauzak uzteko, dutxatzeko edota atseden pixkat hartzeko. Berarekin gauerako egin dugu hitzordua.
Hoteleko gela bakoitza tematika batekin apaindurik dago. Berehala ohartu gara hotel txiki baina dotore horietakoa dela. Atsegina. Gure gelara sartu eta, hara sorpresa! Ohea gorriz apainduta dago, eta lo-gela Veneziako karnabalen gaiaz apainduta. Edo kasualitate handia da, edo esango nuke zure lagunak ongi ezagutzen zaituela. Edo aurretik hitz egindako zerbait izan dela, bera eta zure artean. Ez dakit. Gainera, horma oso bat ispilu handi bat da. Tentagarria, dotore, ederra.
Motxiletatik gauzak ateratzen hasi gara. Mahaitxoan utzi dituzu zureak, ohe gainean nireak. Dutxara sartuko zarela esan didazu eta dutxara sartu. Nik gauzak ateratzen bukatu eta orduan ohartu naiz, mahaitxoaren gainean, zure gauzen artean, maskara bat dagoela, eta ohar bat, maskara jartzeko esaten didana. Orduan pentsatu dut dena "kasualitate" handiegia dela. Eta barre egin dut. Eta maskararen ondoan zetazko soka beltz bat.
Maskara hartu eta jantzi egin dut. Era berean biluztea bururatu zait eta halaxe egin dut. Guztiz biluzik geratu naiz ispiluaren aurrean, ohe ertzean eserita eta maskara jantzita.



Orduan zu atera zara dutxatik. Itxura berberarekin. Guztiz biluzik zaude, aurpegian daramazun maskara izan ezik. Gorputza oraindik heze daukazu. Eta nik jolasteko gogoak ditut. Zutitu, zure ondoan jarri eta muxuka hasi naiz. Nire mingainarekin zure gorputza lehortu nahi bezala. Titiburuak gogortu zaizkizu. Niri, zakila.
Ispiluaren aurrean, zoruan, lau hankatan jartzeko eskatu dizut. Zuk halaxe egin duzu. Zetazko soka hartu eta zure hankak lotu ditut. Eta bat-batean zure sakelakoa jo du. Zure laguna da, ea zer moduz moldatu garen, ea dutxatu garen... Aspaldi ez zarete ikusi eta hitz egiteko gogoak ditu. Gauera arte ezin itxaron. Eta nik hitz egiten jarraitzeko keinua egin dizut. Lagunen arteko hizketaldian murgildu zarete orduan, zu lau hankatan eta hankak loturik dituzun bitartean.
Eta nik aprobetxatu dut zure bizkarra muxukatzeko. Eta handik beherago joan naiz, zure atzean belauniko jarri eta zure ipurmasailen artean sartu dut nire aurpegia. Zure uzkia dastatzeko irrikan nago eta han sartu dizut mingaina. Gero eta zailago egiten zaizu hizketaldia jarraitzea. Baina jolasa gustukoa duzu. Nik ere bai, jakina. Eta badut zuretzako beste sorpresatxo bat. Zakil-gerriko bat atera dut nire motxilatik eta ni neu janzten hasi naiz. Ispiluari esker jarraitzen dituzu nire mugimenduak. Zakil-gerrikoa jantzi eta nire zakila geratu da goian, zakil-gerrikotik kanpo. Eta silikonazkoa nirearen azpian. Asmatu al duzu zer egin nahi dizudan?
Uste dut baietz.
Nora eraman behar gaituen afaltzera galdetu diozu lagunari, zerbait galdetzearren. Ongi pasatuko dugula erantzun dizu berak. Jakina baietz, pentsatu duzu zuk.
Lubrikantea hartu, nire eskuan zabaldu eta atzamar bat sartu dizut ipurdian. Intziri txiki bat atera zaizu. Eta lagunak galdetu dizu ea ongi zauden. Baietz erantzun diozu. Primeran.
Atzamarrarekin jolastu dut zure ipurdian, zure zulotxoa ongi irekiz. Eta zuk, noski, hankak ezin dituzu mugitu.
Orduan prestatu dut plater nagusia. Zure atzean kokaturik silikonazko zakila zuzendu dut zure alutxorantz. Eta nirea zure uzkirantz. Ispiluari begiratu diogu biok. Eta maskaren azpiko gure begiradekin topatu. Desiraz eta morboz beterik daude.
Ea sex shopak eta bestelako toki erotikoak dauden galdetzen hasi zara. Berriro ere, galdetzearren, noski.
Nire bi zakilak prestatu dira zure bi zulotxoetan. Eta barrurantz sartzen hasi. Orduan bai atera zaizula intziri ederra. Eta lagunak ea zer moduz zauden galdetzean, paradisuan zaudela erantzun diozu. Nik zure aldakak ongi heldu eta barruraino sartu naiz kolpe goxo batez. Eta orduan eskapatu zaizu "oraintxe bertan zakil goxo bat daukat nire ipurdian sarturik eta beste bat alutxoan", eta eten duzu deia. Dibertigarria izango da gaurko afaria. A ber hitz horiek nola azaltzen dizkiozun lagunari...
Sakelakoa zoruan utzi eta nik bultzatzeari utzi gabe kendu dut nire maskara eta, bat-batean, zurea ere. Eta zure maskara kentzearekin batera korritu zara. Eta ispiluan ikusi ahal izan dut zure orgasmoa. Orduan, ni ere iritsi naiz zure ipurdian sarturik, eta zure alutxoan, jakina...

Liburu hau irakurri berri dut eta esan behar dut arras interesgarria suertatu zaidala. Ez da sexu analaren inguruko gida bat, hori da lehendabizi argitu behar den gauza. Gay pare baten ikuspuntutik ipurdiaren inguruko gauza asko aztertzen dute: tabuak eta debekuak historian zehar, ipurdiaren inguruko errepresioa eta, bereziki interesgarria egin zaidana: pasiboaren eta aktiboaren gaineko "aurreiritziak". Ez dut gehiago azalduko, baina ipurdia gustukoa duzuenontzat (gay, hetero edota bisexualak bazarete ere) gustatuko zaizuelakoan nago, beraz, irakurtzea gomendatzen dizuet. Eta batez ere, sexu analaren dagokoionez, "pasiboa" izatea gustukoa baduzue, (edota pasiboa eta aktiboa...) pasiboaren defentsa eta aldarrikapen ederra egiten baitute. Ah! Eta erraz irakurtzen da. Batzuetan gogorra baina bestetan dibertigarria. Guztiz gomendagarria.... beste aurrerapauso bat tabuak apurtzeko bidean. Irakurri eta on egin!

Hemen informazio pixka bat gehiago:

Por el culo, políticas anales.

Errolda berritzeko bideoa

Tontakeria izanen da, baina bitxia iruditu zait, behintzat, gazte jendearen parte hartzea bultzatzeko Hungarian egin duten kanpaña.

Dirudienez errolda berritu behar dute eta horretarako, interneten bidez egiteko aukera eskaintzen dute. Hori dela eta, gazteen arreta bereganatzeko-edo, eta mezu hau zabaltzeko asmoz, bideo bitxi bat zabaltzen ari dira (hemen azpian ikus dezakezuena). Bertan zer ateratzen da? Lentzerian (eta gutxi gainera) dagoen neska bat, nahiko "lanpetuta" ematen duena. Beraz, funtzionarioa bere etxera iritsi, "lanpetuta" dagoela ikusi eta internetez bidez ere egiten ahal duela esaten dio neskari...

Zer deritzozue?