Haria

zoratzen nauen hari batek banatzen nau zeure gorputzetik
liluratzen nauen hari batek banatzen nau zeure sexutik
hari fin batek ezkutatzen zaitu
eta nire desirak pizten ditu
hari fin horrek ere edertzen baitzaitu
zure formak agerian uzten baititu...
bizitzaren labirintotik ihes egitera
eramaten nauen haria da
zure aldakak inguratzen duena
eta haritik tiraka noa
zure gorputzerantz, zeure sexurantz...

haria altxatu (kendu gabe)
eta goxo sartuko naiz
zure labirinto bustian
zoraturik, liluraturik,
beroturik, bustirik
erabat