mihiaz

mihiaz laztanduko dizut irribarrea

mihiaz zure poroak dastatu

mihiaz zure oinetatik igo eta zure hankak zeharkatu

mihiaz zure belaunetan gelditu eta sufriaraziko zaitut

mihiaz astiro-astiro igoera berriro hasi

mihiaz izterrak ezagutu musukatu laztandu

mihiaz zure altxorrara iritsi eta patxadaz hartu

mihiaz zeruak zuretzako margotu

mihiaz zure hankartean dut geltoki

Eskainidazu

Eskainidazu zure hankak estaltzen dituzten mediak

Eskainidazu zure hanka gurutzatuak

Eskainidazu zure intimitatea

Eskainidazu zure irribarre bertikala

Eskainidazu hori guztia:

zure hankak estaltzen dituzten mediak

zure irribarre bertikala

eta

batez ere

gurutzatuak egoteari utzi dioten hankak

nik

zure hankatartean

maitatuko zaitut

teilatuan

teilatura eraman ninduzun eskutik

eta han etor zaitez! esan zenidan

etor zaitez eta larrua jo dezagun!

eta teilatu horretan zure atzean jarrita

larrua jo egin nizun, zure bularrak ukituz,

zure aldaka ukituz, zure klitoria...

eta iruditu zitzaidan

inoiz ez naizela egon

zerutik hain gertu

musuka...

musuka nazazu gaua gainetik kendu arte

iluntasunari eguzkia oparitu arte

musuka nazazu ezpainetan

bularretan hanketan

belarrietan lepoan

hankartean

musuka

nazazu

beti

...

Afariaren ordua

arratsalde hotza egiten zuen elkartu ginenean. Eta zure etxera eraman ninduzun. Mahai gainean ardoa, janari ona eta kandelak. Giro ederra sortu zenuen, bai. Eta poliki poliki ardoak berotu gintuen begiak. Berotu gintuen eskuak, ezpainak, hankak... Eta ohartu orduko sofa gainean geunden. Soinekoa erantzi nizun eta... hau sorpresa! Zure kulero berezi horiekin egin nuen topo. Egia esan ez nuen horiek ikusi behar gehiago berotzeko, baina aitortu behar dizut horrek ere lagundu zuela. Sofan etzanarazi zintudan eta ni belauniko jarri nintzen zure hanken artean. Tira, zure kuleroez disfrutatu nahi nuen eta zu disfrutarazi, jakina. Kulero gainean laztandu zintudan. Hasieran nire hatzekin. Gero mihiarekin. Eta kuleroa pittin bat jaitsiz, zuloa zure klitoriaren altueran utzi nuen. Eta handik sartu nuen mihia. Eta ilerik gabeko zure alutxoa musukatzen hasi nintzen. Eta zure intziriak entzuten. Ongi nindoala zirudien, ezta? Eta kuleroa erantzi gabe isuri zinen. Eta ni, guztiz beroturik baldin banengoen ere, nire txanda postrerako uztea erabaki nuen.
Altxatu ginen eta zuk postrea ateratzeko zain geratu nintzen. Gogotsu.

aspaldiko hitzordua...

azaldu ez zinen hitzordura azaldu nintzen ni

eta biluzik imajinatu zintudan Gasteizko farola horren azpian

eta gero (azkenean) elkartzen ginela

eta egunsentira arte (behintzat) amodioa egiten genuela

elkarrekin, elkarri

eta agian goizak banatzen gintuela (agian)

eta zure tanga beltza oparitzen zenidala

txortaldi ederraren souvenir gisa

eta azaldu ez zinen hitzordura azaltzen zinela imajinatu nuen

eta orduan konturatu nintzen, momentuz behintzat,

bakarrik nengoela, zure zain,

zure gorputza irudikatu nuen farola horren azpian...

Dutxan ni ere...

Badakizu dutxan zutaz bustitzen naizela. Ederra da ur beroaren sentzazioa nire azalean. Zure mihiaren laztanak balira bezala. Eta handitzen zait zakila. Eta astiro-astiro eskuarekin laztantzen dut. Nire hatzen artean hartu eta nola handitzen den sentitu. Zutaz pentsatzen dudan bitartean. Eta zakilaren azala leunki jaitsi eta ura nire gorputzean nola irristatzen den sentitu. Eta zure gorputza imajinatu, zure gorputz ederra. Niretzat beti izango baita ederra zure gorputza. Zure ilea, zure begiak, zure ezpain borobilak, zure sorbaldak, zure bularrak, zure sabela, zure aldaka, zure hankartea, zure ipurdia, zure hankak... Eta handituz jarraitzen du nire zakilak. Eta azkartzen dut (ez gehiegi) nire eskuaren mugimendua eta gustura nago uraren azpian eta zu zaitut gogoan. Eta moldatuko genituzkeen fantasia guztiak irudikatzen ditut. Eta zutaz bustitzen naiz eta bustitzen dut komuna...