Bidaia

Goizean jaso nuen Loreren mezua. Toki lasai batera eramateko esaten zidan. Ondo pentsatu eta ezagun baten baserri galdua etorri zitzaidan burura, gela batzuk alokatzen zituena. Ezagunari deitu nion berehala, ea ganbarako gela txikia librea zegoen. Eta baietz esan zidan. Bidai hori proposatu nion eta arratsalderako hantxe geunden, mendian galdurik. Eta ganbarako gelatxoan ohe goxoa, mahaia eta aulki pare bat, besterik ez.
Jateko zerbait atera, ardo botila ireki, mahaira eseri eta hizketan hasi ginen. Mundu guztia geneukan gure ganbaran eta irribarretsu afaldu genuen. Gero ardoarekin jarraitu genuen. Bat-batean aulkitik altxatu, niregana hurbildu eta indarraz beteriko besarkada estu bat eman zidan, estu-estua, bero-beroa eta belarrira xuxurlatu:

- Ero bihurtu nahi zaitut gaur gauean. Larrua jo, besterik ez dugu egingo, egunsentia iritsi arte...

MP3 txiki bat eta bi bafle atera zituen orduan, mahaian utzi eta musika jarri zuen. Rock and roll doinu goxoak bete zuen gela. Ni aulkian geratzeko esan zidan eta hala egin nuen. Ardoari trago bat eman zion eta dantzan hasi zen nire begien aurrean. Ederra zen bere gorputza, bere kurbak, bere ezpainak, bere bularrak, bere emakume gorputza nola mugitzen zuen ikustea. Dantzatzen hasi bezain pronto handitu zitzaidan zakila prakaren azpian. Sentsualitate beroaz bete zuen ganbaratxoa. Eta astiro astiro, hasi zen arropa eranzten. Jertsea aurrena, atorra gero. Ondoren, praka bakero estua. Tanga eta bularretakoarekin geratu zen. Niregana hurbildu, sorbalda eman eta bularretakoa askatzeko eskatu zidan. Hala egin nuen eta eskuak bere bularretara eramaten saiatu nintzen. Baina ezetz egin zidan buruarekin eta “oraindik ez” esan zidan. Eta dantzatzen jarraitu zuen, niri sorbalda emanez, tangak markatzen zituen ipurmasail ederrak erakutsiz. Noizbehinka aurrera makurtzen zuen gorputza, bere ipurmasailen edertasuna areagotuz. Gero, buelta eman zuen eta bere bularrak dantzan ikusteko aukera izan nuen. Poliki poliki hurbildu zitzaidan, berriro ere, eta bularrak jarri zizkidan aurpegi parean. Titiburuetan musu bat ematen saiatu nintzen baina ezin. Atzera egin zuen berriro ere. Jolas horretan berak agintzen zuen, argi zegoen. Buelta eman eta berriro bere sorbalda ederra, bere ipurmasail borobilak eskaini zizkidan. Eta, astiro hasi zen tanga eranzten. Jaisten eta igotzen zuen behin eta berriro, musikaren erritmora, eta atzeko hariarekin jolasten zuen, ipurmasailen artean sartuz eta goraka tiratuz. Atzeraka ibiltzen hurbildu zen niregana, ipurdia nire aurpegira gerturatu eta esan zidan:

- Ahoarekin kendu behar didazu tanga, baina nire azala ukitu gabe eta aulkitik altxatu gabe…

Misio zaila zen benetan, eta benetan bero-bero nengoen ordurako. Edota “ero”. Baina saiatzeko prest nengoen, jolasa eder ederra iruditzen ari zitzaidalako.
Hortzen artean hartu nuen bere tangaren haria eta, ahal bezala, egin nuen orkatiletarainoko bidea, bere azalaren usain goxoa, usain beroa sentituz.
Lurrean geratu zen tanga. Burua altxatu eta miazkada bat eman nion ipurmasailen artean. Orain bai, lortu nuela.

- Orain sorpresa!- esan zidan.

Eta orduan buelta eman eta bere gorputzaren aurreko aldea eskaini zidan. Garbi garbia zeukan alutxoa, guztiz depilatu berria, leun-leuna, ziurrenik.
Kanta bukatu zen orduan eta niregana itzuli zen. Eta aulkia ni izango banintz bezala eseri zen nire gainean, niri sorbalda emanez. Bera guztiz-guztiz biluzturik zegoen eta ni, ordea, guztiz jantzirik. Halere nabari behar zuen nire hankarte gogorra bere ipurmasail artean. Burua atzera biratu eta musu luze eta heze bat eman zidan. Gero, lepoa musukatu nion nik eta, era berean, eskuak aurrera eraman eta bere bularrak laztantzen hasi nintzen. Listuaz busti nituen nire hatzak eta bere titiburuetara eraman. Hankak zabaltzeko esan nion eta guztiz zabaldu zituen. Orduan bere izterretara eraman nituen nire eskuak. Eta izterrak laztandu nizkion, goitik behera, behetik gora… baina oraindik alutxora iritsi gabe. Gero, esku bat eraman nuen bere ahora eta nire hatzak sartu zituen ahoan, banan banan, hatz bakoitza nire zakila izango balitz bezala. Miazkada ederrak emanez. Ondoren eskuak jaitsi eta bere alutxora eraman nuen. Eta bere listuaz bustitako hatzekin laztandu nion. Ipurditik aluraino, alutik ipurdiraino. Hatz bat alutxoan sartu nion, eskuko ahurrarekin bere klitoria igurtzi bitartean. Esku-ahurra klitoria igurtziz, hatza aluaren barnean, beste eskua bular baten gainean eta nire mihia bere lepoan. Dena batera, kanta eder bat konposatzen egongo bagina lez, eta horrela iritsi zen orgasmora…
Une batez mantendu nuen eskua bere alutxo gainean eta, gero, besarkada estu bat eman nion. Eta horrela geratu ginen barealdia iristeko zain. Ni oraindik bero-bero nengoen, eta gogor gogorra, baina pozik, oraindik gau osoa aurretik genuelako…