Ohean etzan gara biok, biluzik eta leihoa zabal-zabalik, haize fresko pixka bat sartzen hasi baita.
Lasaitasuna da nagusi eta zuk nire zakila hartu duzu zure eskuan. Gogor heldu diozu, baina mugitu gabe, sentituz nola handitzen den zure eskuaren barnean.
Eta gogortu zait, eta musuka hasi gara. Eta nire eskua zure hankartera eraman dut eta alua laztandu dizut.
Horrela egon gara tarte batez. Zu azpian zaude eta guztiz bustita nabaritu zaitudanean orduan jarri naiz zure gainean, zakila zure alurantz zuzendu eta barrurantz hasi naiz sartzen.
Bultzada batzuk eman ditut zure gorputzean. Orduan gelditzeko esan didazu. Zure gorputzetik atera naiz eta zu lau hankatan jarri zara ohe gainean eta atzetik egiteko eskatu didazu.
Ni zure atzekaldean jarri naiz, ohe gainean belaunikaturik. Eta leihoaren pare-parean nago horrela. Iluntasun osoan gaude baina, aurreko etxeetako leihoetan norbait egonez gero, ziur nago ikusi ditzakeela gure gorputzak dantzan. Siluetak, behintzat, itzalak.
Eta horrela zaitut, katu basati bat bezala niretzat. Zeharka aurreko etxeetako leihoak ikusgai. Aurrean zure gorputz ederra nire desirei eskainia. Burua oherantz makurtu duzu, ipurdia ongi altxatuta. Zure ipurmasailen gainean jarri ditut nire eskuak eta zure atzetik bultzaka hasi, haize freskoak lagunduta. Berehala korritu naiz zure gorputzaren barruan...
Sem comentários:
Enviar um comentário