Eta hemen nauzu berriro, ohean botata, zutaz pentsakor. Begiak ixten ditut eta zu nire gainean zaudela imajinatzen dut. Loroan Ruperren azkena jartzen dut eta gitarraren soken soinuak zuregana eramaten nau, eta imajinatzen zaitut irribarretsu, lirain, ederra, eta nire elastikoa igotzen hasten naiz, eta praka bakeroak erreprimitzen nauela konturatzen naiz...

...horrela, nire zilborra eskainiko banizu bezala sentitzen naiz. Pentsatzen dut nire gorputzeko atal hau gustukoa duzula eta, horregatik, operazioa, astiro astiro egiten dut, soilik zure begietarako streep-tissa egingo nukeen bezala. Eta zure hankatartean duzun arrosa usaintzen dudala imajinatzen dut, eta nire mihia, ahoa, sudurra, eskuak, zakila... zure ezpainen lorategian murgiltzen ditudala imajinatzen dut, Ruperren kanta entzuten dudan bitartean...