EZ DA BATERE ARRAROA

Nork ez du gogoan txikitan ikusten genituen pelikulak? Larunbat arratsaldetan Tarzan eta Janerekin disfrutatzen genuen eta gure buru txikian, ohartu gabe, iltzaturik geratzen hasiak ziren irudiak erregistratu genituen. Gizonaren gorputz enbor biluzia eta tangaren aitzindari izan zen emakumea. Orain ulertzen dugu zergatik gustatzen zaigun hainbeste sexua eta erotismoa... Tarzan eta Janeren erruz.

Txikitan maitasuna erreprimitu egin ziguten

pelikularen zati hori, laguna, moztu ziguten

Paradisu zineman ikusiko gara

leku hau "ametsak forjatzen diren

materialarekin eginda dago"

Paradisu zineman ikusiko gara

"alemaniarrak grisez jantzita eta zu urdinez"

Oraindik ez da berandu samurtasunari toki bat egiteko

zaborrontzira botatako muxuak

berreskuratu behar ditugu, maitia...

(Joxe Ripiauk kantatzen zuen bezala)