zure fantasia zikin-zikinak... (I partea)

Harritu nintzen erabat, galdera hori lehenengo aldiz egin zenidanean:
- eta zu, beste mutil batekin oheratuko zinateke?-
Nik ezetz erantzun nizun berehala eta zuk irri egin zenuen.
- Zergatik ez?- Errepikatu zenidan.
- Ba... ez dakit. Pentsatu nuen. Ez zaizkidalako gustatzen.
- Baina ni beste neska batekin ikustea gustatuko litzaizukeela esan didazu behin baino gehiagotan, are gehiago, hirukote bat egiteko proposamena ere egin didazu- Aurpegiratu zenidan. Eta nik ezin izan nuen hitzik ere esan. Arrazoi zenuen. Orduan jakin nahi izan nuen:
- Zuri ni beste mutil batekin larrua jotzen ikustea gustatuko litzaizuke?
- Erabat- Erantzun zenidan- Soilik imajinatzeak bero-beroa jartzen nau jadanik- Gainera, ez baduzu probatu nola esan dezakezu ez duzula gustukoa?
- Ez dakit, nik neskak gustukoak ditudalako eta, gainera, soilik zuretzako izan nahi dut.
- Niretzako izango zara berdin berdin, are gehiago, nireago izango zara ene fantasiak betetzen laguntzen badidazu. Eta gainera, badakit nola gustatzen zaizun zakila zupa diezazuten, ba... nork hobeto mutil bat baino?
- Zer esan nahi duzu?
- Mutilek ezagutzen duzuela zer gustatzen zaizuen. Eta zuri hori gustatzen bazaizu, beste mutil bati ere gustatuko zaio, ziurrenik, beraz, mutiko batek egiten badizu, neska batek baino hobeki egingo lizuke, ez zaizu iruditzen?
- Ez dakit zer esan, niri zuk nola egiten didazun izugarri gustatzen zait. Zure ahoak sobera ongi ezagutzen ditu ene zakilaren zoko-moko guztiak.
Eta pentsakor geratu nintzen. Isilik egin nuen zure etxeraino eraman gintuen bide osoa.
Bi aste pasa ziren eta hizketaldi hura behin baino gehiagotan etorri zitzaidan burura, baina ez nion garrantzi gehiagorik eman, taberna horretan egon ginen arte... Goizeko bostak ziren eta zure mugimenduen eta trago batzuen eraginaz bero-bero sentitzen nuen ene burua. Pozik nengoen, irribarretsu, eta tabernako txoko horretan zure ezpainetan dastatzen nuena izugarri gozoa iruditzen zitzaidan. Orduan zure irri maltzur horrekin begiratu eta esan zenidan:
- Ikusten duzu han dagoen mutikoa?
- Zein? Barra ondoan dagoena?
- Horixe bera. Zer deritzozu?
- Zer esan nahi duzu?
- Ba hori, ea zer deritzozun?
- Guapoa dela.
- Orduan gustukoa duzu?
- Ez dut hori esan, soilik polita dela, baina horrek ez du esan nahi nik gustukoa dudanik.
- Baina atsegin duzu?
- Bai...- dudatu nuen- ...pixka bat, zer ba?
- Ba ongi- azaldu zenidan- Zer ba? Ba aipatu nizun nire fantasia txiki hura bete nahiko nukeelako.
- Zer fantasia?- Harritu nintzen.
- Ohe batean ikusi nahi zaituztet, zu eta hori. Nik begiratzen dudan bitartean. Bueno... begiratu eta atzamarrekin lan egin, jakina...
- Tira, tira... bueno, gaur nahiko berotuta nago eta ideiak erakartzen nau baina ez dut uste mutiko horrek nirekin oheratzeko asmorik izango duenik!
- Ezetz? Ezagutzen dut. Auzokoa da. Eta auzokoa izateaz gain homosexuala ere badela badakit. Eta sartu garenetik ez dizu begirik kentzen. Txoro-txoro eginda dago zurekin.
- Ez da egia izango!
- Oraintxe bertan argituko ditugu gure zalantza guztiak.
Eta, ahoa bete hortz, jarraitu nuen mutikorenganaino eraman zintuen zure gerrien mugimendua. Garagardoari trago luze bat eman nion arnasa hartzen nuen bitartean, eta zuk hitz egiten zenuen bitartean mutikoaren begirada nire begietan iltzatuta sentitu nuen. Ez nekien non sartu. Eta ez nekien zer egin. Orain arte sentitu ez nuen erakargarritasun berezi bat sentitzen nuen. Mutiko horren azala dastatu nahi nuen zuretzat, haren ezpainak jan, haren ipurmasailak zeharkatu, haren barrabilak laztandu eta haren zakila jan, nirea izango balitz bezala, zu begira zauden bitartean... zakila hori jan, zuretzat...

(...to be continued)