Ez dugu inoiz torturarik atsegin izan. Eta gure joko lizunenetatik ere, hasiera hasieratik ezabatu genuen. Eta torturatzaileak gorrotatzen ditugun bezainbeste maite ditugu torturatuak.

Horregatik esan behar dugu guk ere, Igor eta Mattin maite zaituztegula. Zapalduen aldekoak izaten jarraitzen dugulako.

Antza, orain maitasuna ere legez kanpo utzi nahi dute. Baina maitasunak, desirak bezala, ez du legerik ezagutzen. Maitatzen dugu maitatzen dugulako. Desiratzen dugu desiratzen dugulako. Bi neskek elkar desiratzen duten bezala, bi mutilek elkar desiratzen duten bezala, edozein bikotek elkar desiratzen duen bezala.

Elizak, gobernuak edota Audientzi Nazionalak kontrakoa esan arren.

Maite zaituztegu.

Eta ezingo dute maitasuna debekatu.

Ezingo dute gure desirak ezabatu.

Maite dezagun!

Goza dezagun!