Zerumugak elkartzen diren puntuan elkartu ginen gu, arrasti eder batean. Eguzki epelak berotzen zituen gure larru biluziak eta hondartza guretzako bakarrik topatu genuen. Paseatu zenuen nire aurrean, astiro, biluzik, eder. Eta zure siluetaren edertasunak erabat hunkiturik utzi ninduen, zure bularrak, zure gorputza... argiaren kontra egoteak zure bihurguneak agerian uzten zituen, eta hondarraren gainean amodioa egiten genuela imajinatzen nuen...