Zure ipuin erotiko guztiak liburu batean bildumatu nituen. Eta desagertu zinenetik gauero irakurtzen nuen istorio berri bat, lerroen artean agertuko zinen esperantzarekin. Egunen batean, gehien gustatzen zitzaidan istorioa irakurtzen ari nintzelarik, liburua dardarka nabaritu nuen. Nire ezkerreko eskuaren mugimenduen ondorioa zela pentsatu nuen. Baina ez. Zu zinen. Lerro horietatik nigana ateratzen ari zena, itzultzen ari zena. Orrialdetatik atera eta nire izaren artean bilatu zenuen zure lekua. Goxo-goxo eman genuen gaua, baina egin genuena zure hurrengo istoriorako utziko dizut... zure hurrengo istoriorako...